عنايتي لمنطقه العين

مرحبا بنات 

ادري طولت عليكم كثيررر لكن تعرفو لازم اجرب كل منتج و اعطيه وقته بالتجربه 

انا بشرتي بكل امانه تمام و كنت معتمده على نظافتها و ترطيبها 

وكنت اشوف بشرتي ما تحتاج اكثر من كذا اهتمام 

لكن بعد مده تغير مفهومي للعناية ليه انتظر بشرتي تحتاج لعنايه مكثفه علىشان 

اهتم فيها زياده فقررت من فتره اغير روتيني و كل كم شهر ازيد عناية على بشرتي

ومن هنا قررت ابدا معاكم سلسله جديده خاصه للبشرة

فبما ان منطقه العين اكثر منطقه حساسه ومع الميك اب و المسح ممكن تتاثر قررت ابدا فيها , انا هالاتي جدا بسيطه ممكن عادي اطلع بدون ميك اب 

"اقول لكم هذا الكلام علشان تعرفو تجربتي"

قررت اعتني فيها اكسترا عنايه فوقع اختياري على منتجات لابريري بالعاده هم يرسلون ايميل تعريفي على منتجاتي وكنت مهتمه جداً لقراءتها 

فقبل رمضان بشهر "أدري من زمااان كثيررر بس لان المنتج جدا غالي سعره فوق الاف ريال رفضت اتكلم عنه حتى تخلص العلبه "

اعرف ان منتجاتهم مختصه لكبيرات السن نسبياً لكن ما اشوف مشكله اني اخذ منهم الي تحتاجه بشرتي 

white caviar illuminating eye serum

سيروم الكفيار الأبيض المضيء

يتكون السيروم من الكفيار الابيض الذي يساهم إعادة البشرة للنضارتها و لمعانها

انتبهو بنات إعاده يعني تساعدك مو تخلق لك جلد جديد مو سحر الموضوع

فوائده

يساعد على تمتين و تغذيه الجلد تحت العين 

يساهم في تنشيط الدوره الدموية في أعلى طبقات الجلد لتخفيف شعور الانتفاخ تحت العين

يساعد على ترطيب البشرة و الاحتفاظ بالرطوبة 

يساعد على تاخير علامات الشيخوخة 

التعليب جداً فخم ما يدخلها ضوء ولا جراثيم 

لكن عيب التعليب اني ما اعرف متى يخلص فجاءه خلص بدون انذار 

طريقه الاستخدام

مره او مرتين باليوم صباحاً و مساءً

حركي الاناء جيدا قبل الاستعمال و مديه باطراف الاصابع 

تجربتي 

زي ما ذكرت لكم هالاتي جدا خفيفة لكن زياده اهتمام و حابة احافظ على بشرتي 

بعد شهر حسيت تحت عيني منور منورررر و رطب حبيت النتيجه بس هل قلل التجاعيد لا ما حسيت بس الاكيد بيحافظ على عيني و بيحميها من التجاعيد مستقبلا, و صحيح حسيت ان الجلد تحت العين ما صار رقيق زي قبل اصبح اكثر سماكه.

و  فجاءه خلصت العلبه فقررت استخدم كريم للعين عندي صغير لما اروح لسوق بعدين قلت منال فتحتي العلبه خلصيها و بعدين اشتري السيروم 

حسيت اني فعلا سيروم لابريري كان افضل منتج بنسبه لي 

لان عيني ما صارت منوره زي قبل وهذا الانقطاع خلاني احس باهميته السيروم

المهم رحت للسوق بشتريه فجاءه كل منتجات لابريري مخلصه 

مع انه قبل رمضان كل شي متوفر فضطريت اطلب اون لاين مع ان السعر طلع علي اغلى , ايه صح الموظفه و حاولت تقنعني بالكريم رفضت انا ناسبني السيروم مابي اغير

وهي مصره انهم نفس الشي 

لااااا مو نفس الشي لو نفس الشي ما صار منتجين !! o_O

نصيحه مني 

- اذا انتي من النوع الملول وما تعتني و تكملي كريماتك لا تشتريه حرام تشتري وما تنتظمي فيه 

- اذا بشرتك كويسه اهتمي فيها لا تنتظري انها تحتاج الى مساعده علشان تعتني فيها.

-ما عندي فكره الي هالاتهم قويه بيفيدكم بس اكيد بيحسنها بنسبه معينه بس ما اعرف اذا بترضيكم النسبه

- المنتج غالي اعرف و اعذروني ما لقيت له بديل من المنتجات الرخيصه حتى الي نص سعرها 

- هذا المنتج خلاني اجرب كذا كريم من لابريري بس طبعاً يبيلي شهوررر علشان اكتب تجربتي 

شكرا لتفاعلكم و لدعمكم لي 

لتواصل معي على

 تويتر manal blog

الانستقرام manal blog

سناب شات Manal_blog

ستور هاوس Manal__blog

 الايميل manalmubarak2@yahoo.com