تنسيق لبس عيد الفطر

السلام عليكم بنات 

اليوم بغير عن الميك اب و العناية زهقت منهم شوي 

جبت لكم تنسيق بسيط و انثوي اتوقع اغلبكم صار يعرف ذوقي 

ان شاء الله يعجبكم 

توب دانتيل 

تقريبا شفاف بس مو مرره 

الكم فضفاض و مزموم على الرقبة 

التوب قصير من قدام ومن ورا اطول شوي

على فكره البطن ما يطلع الا اذا تحركت بقوة 

يعني مو اوفر لاني اصلا ما احب البس مفتوح كثيرر بشكل مقزز

صوره للتنوره من نفس القماش 

ضيقه و طولها ميدي

على جنب واضح فيه اختلاف طول التوب

صوره من الموقع لان المانيكان يقلل من جمال القطعه 

لكن الموقع اضاءه على ازرق 

فتصويري اقرب للحقيقه من ناحيه اللون 

من ورا 

زي ما قلت قبل التوب اطول 

و فيه ربطه من العنق 

زاعجني بالتوب طول الشريط مرررا طويل 

التنوره من ورا 

ضيقة و الطول ميدي و فتحه يسهل الحركه

صوره اوضح من الموقع 

اخترت معها شنطه من دولتشي اند قبانا

صغيره جدا على فكره بس تكفي ايفون 

على العشر الاواخر من رمضان قررت اغيرها بس ما يمدي و انا اكره الزحمه بالاسواق ان شاء الله بعد العيد بجيب الشنطه الي ببالي 

الهيلز نيود من لوبوتان

الحلو فيه السير ما يجي على الساق لا تحت شوي

لان السير لما يكون على الساق يقصر و انا ما احب شيء يقصرني مع اني مو قصيره 

طولي 160 بس احب اكون اطول 

المناكير من لوبوتان

اسم الدرجه مي نيود

صوره قديمه من الانستقرام لدرجه اللون 

الحلق من شانيل صغير و ناعم

الاسواره من مونيكا 

احب فكره لبس اكثر من اساوره باليد بس هنا حسيت مابي اكثر 

جاء ببالي اكون كثيررر ناعمه 

تو تذكرت اني نسيت اصور الخاتم 0_O

انا من عشاق اللون الابيض و خاصه مع تان شي ثاااني 

القماش جدا خفيف 

طلبتها من موقع net a porter

اول ما شفته ما ترددت ابدا بطلبه 

و احترت كثير بالمقاس توكلت على الله و طلبت مقاس 6 و الحمد لله طلع مقاسي

و حتى مو ضيق علي يعني اقدر اخذ راحتي برمضان هههههه 

القماس والموديل كثير حلو و انثوي طلع اجمل من توقعاتي الحمد لله 

حاولت اغير التسيق و استفيد من التوب

نسقت معها بنطلون هاي ويست وسيع شوي

اخذته من 3 سنين من زارا لونه اخضر 

طبعاً اخترت هاي ويست لان التوب قصير 

ما غيرت اي شي من تنسيقي غير البنطلون 

ممكن اغير الشنطه بالشنطه الي ببالي هههههه 

ان شاء الله التنسيقات عجبتكم 

 و اكتبو لي اذا تحبو اكمل تنسيقات ؟

شكرا لتفاعلكم و لدعمكم لي 

لتواصل معي على

 تويتر manal blog

الانستقرام manal blog

سناب شات Manal_blog

ستور هاوس Manal__blog

 الايميل manalmubarak2@yahoo.com