اليوم زي ما هو واضح لكم بتكلم عن باليت لوراك برو 2
من مده كنت ابي باليت لوراك برو
وكل ما جبت طلبات قلت بخلي واحد لي بيوم واحد تطير O_o
فقلت خلاص المره الجايه باخذ لي واحد اول ما يوصل لي
وفجاءه انقطع الباليت من كل المواقع دورت بكل مكان مضمون مالقيته ):
وبعد شهر تقريبا نزل اعلان باليت لوراك برو 2
حبيت الالوان وخاصه انها مو عندي عكس الاول قريب من باليت نيكد بس لانه افضل بقوة الالوان فكنت ابيه واول ما طلبت أخذت لي واحد
التعليب حلو و خفيف جدا مافيه وزن
اظن انه اطول من باليت لوراك برو الاول
معه برايمر
يتكون من 16 لون
8 منهم مات مطفيين
و 8 الي تحت بلمعه ناعمه
الزيتي ي ج ن ن
كل الالوان روعه بصراحه و قويه تصبغ بسرعه جد افضل من نيكد بمراحل و ارخص
عندي احساس انه بيرتفع سعره
شوفي كيف الباليت رفيع جدا جدا
هذا سواتش للالوان الصوره من النت
الباليت يستخدم بالنهار خاصه اول حمس الوان من اليسار وممكن تضيفي شويت من اللمعه الخفيفه على مدمع اليل و كمان ينفع للسهره
سهل الدمج ممكن البعض يقول الشدو يتناثر شوي
ما يهمني لاني اسوي العين واخر شيء الفاونديشن اشوفه انظف بكثيرر
اختيارات الالوان جدا جمله ممكن الاسود ما حبيته كثير مو غامق اما الباقي روعه
الفضي الزيتي الازرق الدرجات جدا جميله
من يوم ما شريته ودايم استخدمه هو وباليت ثاني بتكلم عنه قريب
وناويه على جميع باليتات لوراك
وناويه على جميع باليتات لوراك
زي ما قلت هو بنسبه لي افضل بكثير من نيكد ومع ذاك ما اقدر استغني عن نيكد خاصه اللون الاسود ما شفت مثل سواده
انصح بتجربته ويستحق الاقتناء
غير متوفر بالسعودية شريته اون لاين
يسعدني تفاعلكم
عبر تويتر manal blog
الانستقرام manal blog
لتواصل معي على الايميل manalmubarak2@yahoo.com
جمييل اتحمست اشتريه
ردحذف