أفضل فرشاة للفاونديشن

هالاسبوع عندي حماس اكتب لكم كل يوم هههههه 

مع اني مضغوطه كثيرررر 

دايم تسالوني ايش أفضل فرشاة للفاونديشن فقررت اكتب لكم 

عن أفضل فرشاة للفاونديشن بنظري الشخصي ومن تجربتي

قبل بشرح لكم على اي اساس قررت 

قسمت وجهي نصين وكل مره اجرب فرشاتي واقارن بالنتيجه احب اقارن بهذي

الطريقة اشوفها كثيرر اسهل و اوضح بالمقارنه.

ببدأ من الأسواء الي الأفضل 

بالمرتبة الخامسة

Expert face brush

أسواء فرشاة للفاونديشن لما قارنتها مع غيرها انصدمت كيف قبل كنت راضيه

ابدا مو كويسه تخطط الفاونديشن مو حلوه ابد ابدا

وقفت اجيبها بمتجري مستحيل اجيبها قررت X

المرتبة الرابعة

mac 190

مو سئية ابدا بس انا ما احب استخدمها للفاونديشن اشوف غيرها اسهل مع ان هي اغلى وحده هههه استخدمها للإضاءة 

المرتبة الثالثة

Buffing brush

تجي مع مجموعة الوجه 

ممتازه جدا لما قارنتها مع غيرها كان الفرق شيء بسيط جد جد

اذا ميزانيتك بسيطة او ما تحبي تدفعي على الفرش اخذيها وأنتي مغضة

ماراح تندمي ابدا ابدا

المرتبة الثانية

بيوتي بلندر

من اجمل الاسفنج للميك اب تعطي فنش حريري أحب استخدمها خاصة للكونسيلر واكثر شيء احب اعتمدها على ماما 

فيه مقارنه كتبتها عن البيوتي بلندر و ريل تكنيك إذا حابة تقري هنا

ما تخطط ابدا ابدا

أما المرررررررررتبة الأولى 

سقما F80

وش اقول أفضل أختراع زعلانه ليه ما جربتها قبل 

مو طبيعيه ابدا ابد الفنش تبعها يجنن زي الحرير تحسسك انك مو حاطه فاونديشن هي اصلا بشرتك هههههه

تستاهل جوائز حتى مجموعة العين كثيرر حبيتها

بصراحة احترت بين بيوتي بلندر او سيقما 

بس فضلت سيقما لسبب واحد انها اسرع خاصة لو انا مستعجلة 

بس إذا تبو الحقيقة 

سيقما المرتبة الأولى و بيوتي بلندر المرتبة الأولى مكررر

ههههههه

إن شاء الله عجبكم الموضوع 

ورمضان كريم علينا وعليكم يااارب ولا تنسوني من دعواتكم 

تسعدني متابعتكم وارائكم

عبر تويتر manal__blog
الانستقرام manal__blog

لتواصل معي على الايميل manalmubarak2@yahoo.com