روتيني اليومي للعناية بالبشرة

اليوم بتكلم عن روتيني اليومي للعنايه ببشرتي وهذا اكثر طلب انتو اخترتوه بالانستقرام 

اولاً احب اوضح لكم نوع بشرتي بضبط " بشرتي مختلطه لعاديه رقيقه وحساسه "

بكتب لكم الخطوات بترتيب

Bioderma Sensibio H2O -1 - تونر و مزيل المكياج من بيودرما

هو قابض للمسام ومنظف يومي ومزيل للمكياج خاص للبشره الحساسه يوجد نوع اخر للبشره الدهنيه

طريقه استخدامه اليوميه ابلل قطنة بتونر بيودرما وامسح فيه الوجه لا يحتاج الى شطف بعده يمكن استخدامه يومياً صباحاً ومساءً اذا حبيتي عن نفسي استخدمه فقط لازاله المكياج

طريقه استخدامي له كمزيل مكياج ابلل قطنه وانظف بها الوجه اما للعين اضع القطنه المبلله بمنتج على عيني لمده ٢٠ الى ٣٠ ثانيه لا يحتاج الى فرك حتى يزيل المكياج بعدها اغسل وجهي بغسول اليومي

احبه كثيررر لانه ما يسبب جفاف لبشرتي ولا يحسسها ولا يهيجها لان المنتج غير عطري وخالي من الكحول

سعر المنتج ٨٤ ريال انا شريته بعرض عند بوتس ٢علبه كبيره ووحده صغيره ب ١٦٨ ريال

2 - pharmacrls puri sensilium - فارماسري أبوري سانسيليوم

غسول يومي للبشره الحساسه على هيئه رغوه ناعم جداً جداً لانه منتج طبي وما يسبب الجفاف للبشره

اول ما استخدمته ريحته ذكرتني بشيء امممم مثل ريحه بامبرز الاطفال o_O بامبرز نظيف علشان محد يفهمني غلط ما ادري ليه ذكرتني فيه الريحه مو سيئه لا عاديه شيء كذا طبي بس تغسلي تروح هذي الريحه

احب هذا المنتج وشريته للمره الثانيه واكيد برجع اشتريه علبته نوعا ما كبيره ممكن تجلس معك ٨ شهور الى سنه حسب عدد استخدامك له وما يحتاج كميه كبيره منه انا استخدمه بشكل يومي و مرتين الى مره بالاسبوع استعمل مقشر

سعر المنتج ١٣٠ ريال من صيدليه آدمه

3- مقشر لشفايف من ذا بودي شوب

سبق وتكلمت عنه مافيه شيء مميز ابدا بس لانه عندي فاستخدمه لشفايفي حلو بسفر اذا شفايفك تحتاج لتقشير دائم اقشر شفايفي من مره الى مرتين بالاسبوع

مارح ارجع اشتريه

سعره ب 43 ريال من ذا بودي شوب

4- تونر من كلينيك

هو للبشره المختلطه الى جافه اخذه بقطنه وامسح وجهي

فجاءه تشوفي القطنه تحول للرمادي مع اني توني مغسله التونر شيء مهم جدا جدا يقبض المسام وينظف البشره بعد ما استخدمه احس اني بشرتي شدت و واحسها صارت جافه بس مو مشكله لاني باكمل روتيني فبيرجع التوازن لبشرتي ممنوع تحطي تونر ولا تحطي بعده مرطب

سعر المنتج ١٢٠ ريال من دبنهامز المنتج بيطول معك خاصه اذا استخدمتي قطنه كويسه ما يحتاج تكثري منه

5- Boots Botanics Face Rosewater Toner - تونر ماء الورد من بوتس

كلنا نعرف فوائد ماء الورد وبذكر بعضها

يهدئ البشرة الحساسة وينعشها يقبض المسام يصفي البشره ويفتحها يعطي طراوه ونعومه للبشره

ولا يسبب لها الجفاف

للاسف ماعندي لاني حطيتها ببخاخه ورميت العلبه ومارح اصور البخاخه لانها مميزه جداً الي تتابعني بالانستقرام بتفهم ليه ^_^ انا احطها بثلاجه علشان تكون بارده تنعش الوجه

شريتها بعرض من بوتس علبتين بحدود ٣٠ ريال مو متاكده ممكن تستخدمي اي نوع من ماء الورد

6- cetaphil - سيتافيل

اخر خطوه هي الترطيب مرطب سيتافيل من سنين استخدمه يمكن لي ٧ سنين كتبه لي طبيب الجلديه الدكتور صالح الرشيدي وما غيرته ابدا ابدا يناسب كل انواع البشره من الجافه الى المختلطه احبه ومستحيل اغيره

سعره يتغير من سنين كنت اخذه ب ٧٠ ريال وقريبا تغير صار ٨٠ ريال طبعا السبب معروف عندنا اذا زاد الطلب زاد السعر ): فيه حجم كبير منه اذا حابه تقريبا ١٢٠ ريال مو متاكده

7- kelyane h.d - مرطب و مغذي للشفاة

سبق وتكلمت عنه الافضل على الاطلاق استخدمه اذا حسيت بجفاف بشفايفي

سعره يتراوح بين 35 و 40 ريال حسب الصيدليه

8- وهي اهم نقطه شرب الماء من 6 لى 8 اكواب يوميا

هذا روتيني اليومي وقبل الميك اب وبعد الميك اب

تلاحظو اني استخدم انواع طبيه و خاصه للبشره الحساسه ما احب المنتجات التجاريه وافضل الطبيه لانها خاليه من العطور ولا تحسس البشره

يسعدني متابعتكم على الانستقرام mana__blog

وعلى تويتر manal__blog

شكراً لدعمكم لي